കെവിന്‍ വധക്കേസ് 10 പ്രതികള്‍ക്ക് ഇരട്ട ജീവപര്യന്തം.

കെ​വി​ൻ ദു​ര​ഭി​മാ​ന​ കൊലക്കേ​സിൽ പത്ത് പ്രതികൾക്കും ഇരട്ട ജീവപര്യന്തം. 25000 രൂപ പിഴയും കോടതി വിധിച്ചു. ശിക്ഷ ഒരുമിച്ച് അനുഭവിച്ചാൽ മതി. കോ​ട്ട​യം പ്രി​ന്‍സി​പ്പ​ല്‍ സെ​ഷ​ന്‍സ് കോ​ട​തിയാണ് ശിക്ഷ വിധിച്ചത്. നീ​നു​വിന്‍റെ സ​ഹോ​ദ​ര​നും ഒ​ന്നാം​പ്ര​തി​യു​മാ​യ തെ​ന്മ​ല ഒ​റ്റ​ക്ക​ല്‍ ശ്യാ​നു ഭ​വ​നി​ല്‍ ഷാ​നു ചാ​ക്കോ (27), ബ​ന്ധു​വും ര​ണ്ടാം​പ്ര​തി​യു​മാ​യ പു​ന​ലൂ​ര്‍ ഇ​ട​മ​ണ്‍ നി​ഷാ​ന മ​ന്‍സി​ല്‍ നി​യാ​സ് മോ​ന്‍ (ചി​ന്നു -24), മൂ​ന്നാം​പ്ര​തി ഇ​ട​മ​ണ്‍ തേ​ക്കും​കൂ​പ്പ് താ​ഴ​ത്ത് ഇ​ഷാ​ന്‍ ഇ​സ്‌​മ​യി​ല്‍ (21), നാ​ലാം​പ്ര​തി ഇ​ട​മ​ണ്‍ റി​യാ​സ് മ​ന്‍സി​ല്‍ റി​യാ​സ് (27), ആ​റാം​പ്ര​തി തെ​ങ്ങും​ത​റ പു​ത്ത​ന്‍വീ​ട്ടി​ല്‍ അ​ശോ​ക ഭ​വ​നി​ല്‍ മ​നു മു​ര​ളീ​ധ​ര​ന്‍ (27)‍, ഏ​ഴാം​പ്ര​തി പു​ന​ലൂ​ര്‍ മ​രു​ത​മ​ണ്‍ ഭ​ര​ണി​ക്കാ​വ് അ​ന്‍ഷാ​ദ് മ​ന്‍സി​ലി​ല്‍ ഷി​ഫി​ന്‍ സ​ജാ​ദ് (28), എ​ട്ടാം​പ്ര​തി പു​ന​ലൂ​ര്‍ ചാ​ല​ക്കോ​ട് റേ​ഡി​യോ​പാ​ര്‍ക്ക് വാ​ലു​തു​ണ്ടി​യി​ല്‍ എ​ന്‍. നി​ഷാ​ദ് (23), ഒ​മ്പ​താം​പ്ര​തി പ​ത്ത​നാ​പു​രം വി​ള​ക്കു​ടി ക​ട​ശ്ശേ​രി ടി​റ്റു​ഭ​വ​ന്‍ ടി​റ്റു ജെ​റോം (25), 11ാംപ്ര​തി മു​സാ​വ​രി​ക്കു​ന്ന് അ​ല്‍മ​ന്‍ഹ​ല്‍ മ​ന്‍സി​ല്‍ ഫ​സ​ല്‍ ഷ​രീ​ഫ് (അ​പ്പൂ​സ്-26), 12ാംപ്ര​തി വാ​ള​ക്കോ​ട് ഗ്രേ​സി​ങ്​ ബ്ലോ​ക്ക് ഈ​ട്ടി​വി​ള ഷാ​നു ഷാ​ജ​ഹാ​ന്‍ (25) എ​ന്നി​വ​ർക്കാ​ണ്​ ജ​ഡ്​​ജി എ​സ്. ജ​യ​ച​ന്ദ്ര​ൻ ശിക്ഷ വിധിച്ച​ത്.

നീ​നു താ​ഴ്​​ന്ന ജാ​തി​ക്കാ​ര​നാ​യ കെ​വി​നെ വി​വാ​ഹം ക​ഴി​ച്ച​തോ​ടെ കു​ടും​ബ​ത്തി​നു​ണ്ടാ​യ അ​പ​മാ​ന​മാ​ണ്​ കൊ​ല​പാ​ത​ക​ത്തി​ലേ​ക്ക്​ ന​യി​ച്ച​തെ​ന്ന പ്രോ​സി​ക്യൂ​ഷ​ൻ വാ​ദം അം​ഗീ​ക​രി​ച്ചാണ് കേ​ര​ള​ത്തി​ലെ ആ​ദ്യ ദു​ര​ഭി​മാ​ന​കൊ​ല​ക്കേ​സിൽ കോ​ട​തി കടുത്ത ശിക്ഷ വിധിച്ചത്. നീ​നു​വി​നെ വി​വാ​ഹം ക​ഴി​ച്ച​തി​ലു​ള്ള വി​രോ​ധ​ത്തി​ൽ കെ​വി​നെ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യെ​ന്നാ​യി​രു​ന്നു കേ​സ്​. ദൃ​ക്​​സാ​ക്ഷി​ക​ളി​ല്ലാ​തി​രു​ന്ന കേ​സി​ൽ കു​റ്റ​ക്കാ​രെ​ന്നു ക​ണ്ടെ​ത്തി​യ എ​ല്ലാ പ്ര​തി​ക​ൾ​ക്കു​മെ​തി​രെ കൊ​ല​ക്കു​റ്റം ചു​മ​ത്താ​നാ​യ​ത്​ പ്രോ​സി​ക്യൂ​ഷ​ന്​ നേ​ട്ട​മാ​യി.

എ​ന്നാ​ൽ, ഗൂ​​ഢാ​ലോ​ച​ന​യി​ൽ പ​​ങ്കു​ണ്ടെ​ന്ന്​ പ്രോ​സി​ക്യൂ​ഷ​ൻ വാ​ദി​ച്ച അ​ഞ്ചാം​പ്ര​തി​യും നീ​നു​വി​ന്‍റെ പി​താ​വു​മാ​യ തെ​ന്‍മ​ല ഒ​റ്റ​ക്ക​ല്‍ ശ്യാ​നു ഭ​വ​നി​ല്‍ ചാ​ക്കോ ജോ​ണ്‍ (51), പ​ത്താം​പ്ര​തി അ​പ്പു​ണ്ണി (വി​ഷ്ണു -25), 13ാം പ്ര​തി പു​ന​ലൂ​ര്‍ ചെ​മ്മ​ന്തൂ​ര്‍ പൊ​യ്യാ​നി ബി​ജു വി​ല്ല​യി​ല്‍ ഷി​നു ഷാ​ജ​ഹാ​ന്‍ (23)‍, 14ാം പ്ര​തി പു​ന​ലൂ​ര്‍ ചെ​മ്മ​ന്തൂ​ര്‍ നേ​താ​ജി വാ​ര്‍ഡി​ല്‍ മ​ഞ്ജു ഭ​വ​നി​ല്‍ റെ​മീ​സ് ഷ​രീ​ഫ് (25) എ​ന്നി​വ​രെ തെളിവുകളുടെ അഭാവത്തിൽ കോടതി വെ​റു​തെ​വി​ട്ടിരുന്നു.

ഷാ​നു​വും ചാ​ക്കോ​യും ത​മ്മി​ലെ ഫോ​ൺ സം​ഭാ​ഷ​ണ രേ​ഖ​ക​ളാ​ണ്​ ഗൂ​ഢാ​ലോ​ച​ന​യി​ൽ പ​ങ്കു​ണ്ടെ​ന്ന്​ തെ​ളി​യി​ക്കാ​ൻ ഹാ​ജ​രാ​ക്കി​യ​ത്. എ​ന്നാ​ൽ, ചാ​ക്കോ ത​ന്നെ​യാ​ണ്​ ഫോ​ൺ ഉ​പയോ​ഗി​ച്ച​തെ​ന്ന്​ ഉ​റ​പ്പി​ക്കാ​നാ​യി​ട്ടി​ല്ലെ​ന്നാ​ണ്​ കോ​ട​തി​യുടെ ക​ണ്ടെ​ത്ത​ൽ.

കോ​ട്ട​യം ന​ട്ടാ​ശേ​രി പ്ലാ​ത്ത​റ​യി​ല്‍ കെ​വി​ന്‍ പി. ​ജോ​സ​ഫി​നെ​യും (24) ബ​ന്ധു അ​നീ​ഷി​നെ​യും 2018 മെ​യ്​ 27ന്​ ​പു​ല​ർ​ച്ചെ ര​ണ്ടി​നാ​ണ്​ കോ​ട്ട​യം മാ​ന്നാ​ന​ത്തു​ള്ള ബ​ന്ധു​വീ​ട്ടി​ൽ നി​ന്ന്​ നീ​നു​വിന്‍റെ സ​ഹോ​ദ​ര​ൻ ഷാ​നു ചാ​ക്കോ അ​ട​ങ്ങു​ന്ന 13 അം​ഗ സം​ഘം ത​ട്ടി​ക്കൊ​ണ്ടു​പോ​കു​ന്ന​ത്. മേ​യ് 28 ന്​ ​രാ​വി​ലെ 8.30 ഓ​ടെ കെ​വി​ന്‍റെ മൃ​ത​ദേ​ഹം തെ​ന്മ​ല​ക്ക്​ 20 കി​ലോ​മീ​റ്റ​ർ അ​ക​ലെ ചാ​ലി​യ​ക്ക​ര തോ​ട്ടി​ൽ ക​ണ്ടെ​ത്തി.